यश ग्रुप ऑफ इन्स्टिट्यूट सातोना येथील विद्यार्थ्यांनी साकारल्या गणरायांच्या आकर्षक मूर्ती.....

  परतूर प्रतीनिधी हनुमंत दवंडे 
   तालुक्यातील यश प्रायमरी इंग्लिश स्कूल तसेच यश प्राथमिक व माध्यमिक विद्यालय सातोना खुर्द या दोन्ही शाळेतील विद्यार्थ्यांनी चिखलापासून गणपती बाप्पांच्या सुंदर मूर्ती बनवण्याचे आठवडाभर प्रशिक्षण घेतले. विद्यार्थ्यांनी स्वतः मूर्ती तयार करण्यासाठी प्रयत्न करावा तसेच याच स्वनिर्मित मूर्तीचीच आपल्या घरी व शाळेत स्थापना करावी अशी संकल्पना संस्थेचे सन्माननीय अध्यक्ष बालासाहेब सितारामजी आकात यांची होती. मुख्याध्यापक जयराम खंदारे , अनिल बोराडे यांच्या मार्गदर्शनाखाली संपन्न झालेल्या या स्पर्धेत वर्ग पहिली ते दहावी या वर्गातील विद्यार्थ्यांनी सहभाग नोंदवत आकर्षक अशा मूर्ती साकारल्या.  
   सर्व विद्यार्थ्यांना इकोफ्रेंडली व सोप्या पद्धतीने चिखलापासून गणपती बनवण्याचे प्रशिक्षण सर्व शिक्षकांनी दिले. यासाठी पालकांनीही मोलाचे सहकार्य केले. स्पर्धा यशस्वी करण्यासाठी सांस्कृतिक विभाग प्रमुख धीरज दूधगोंडे , दीपा सावंत व भावना पाटिल ,सरिता गायकवाड , ज्योती बिडवे , महादेव गायकवाड़,गणेश गोरे, तसेच सर्व मार्गदर्शक शिक्षकांनी विशेष प्रयत्न केले.स्पर्धेतील विजेत्या स्पर्धकांना पारितोषिके देऊन गौरविण्यात येणार आहे.

Popular posts from this blog

तळणी येथील दोन गरजूंना ग्रा. सदस्य पांंडूरंग अण्णा जनकवार व सरपंच गौतम सदावर्ते यांच्या कदून मदत

विकी सुपारकरच्या मारेकऱ्यांना फाशीच्या शिक्षेची मागणी

आदर्श शिक्षक दिलीप मगर यांचा गुरू माऊली आबासाहेब मोरे यांच्या हस्ते सत्कार