सातोना येथील यश ग्रुप ऑफ इन्स्टिट्यूटमध्ये विक्रमी 172 रक्तदान
परतूर प्रतिनिधी /हनुमंत दवंडे
सातोना येथील छत्रपती शिवाजी महाराज जयंती निमित्त यश अर्बन को-ऑपरेटिव्ह क्रेडिट सोसायटी लिमिटेड परतूर व बाजीराव पाटील आकात बहुउद्देशीय सेवाभावी संस्था सातोना खुर्द यांच्या संयुक्त विद्यमाने येथे दरवर्षीप्रमाणे याही वर्षी रक्तदान शिबिराचे भव्य आयोजन करण्यात आले होते. श्री ह. भ. प. बाळू महाराज गिरगावकर यांच्या शुभहस्ते फित कापून शिबिराचे उद्घाटन करण्यात आले. यावेळी अनेकांची मोठ्या संख्येने उपस्थिती होती.
सर्वप्रथम छत्रपती शिवाजी महाराज यांच्या व ज्यांनी रक्तदान शिबिराचे आयोजन करण्याचे चळवळ खऱ्या अर्थाने सुरू करून दिली असे स्वर्गीय महेश भाऊ सितारामजी आकात व दत्तात्रय सितारामजी आकात यांच्या प्रतिमांचे पूजन करण्यात आले.
यावेळी श्री ह. भ. प. बाळू महाराज गिरगावकर यांच्यासह परिसरातील 172 जणांनी रक्तदान केले.
दरम्यान यश प्रा .व मा. विद्यालयाचा माजी विद्यार्थी ज्ञानेश्वर भागवतराव आकात याने वैद्यकीय पूर्वपरीक्षेत(एमबीबीएस) घवघवीत यश संपादन केल्याबद्दल उपस्थित मान्यवरांच्या हस्ते शाल, श्रीफळ, सन्मानचिन्ह देऊन पालकांसह गौरविण्यात आले.
यावेळी यश अर्बन को-ऑपरेटिव्ह क्रेडिट सोसायटी लिमिटेड परतूरचे चेअरमन बालासाहेब सितारामजी आकात, आसारामजी लाटे, इंद्रजीत घनवट, यश महेशराव आकात , बालासाहेब उद्धवराव आकात, संतोष आकात, अनिल बोराडे, जयराम खंदारे, जगनदादा आकात, शिवाजी महाराज, सतीश आकात ,डॉ.अंबादास टाले, माऊली आण्णा लाटे, डॉ संजय लाटे, बाबासाहेब लाटे, भांगे. यांची प्रमुख उपस्थिती होती.
कार्यक्रमाचे सूत्रसंचालन शामिर शेख यांनी तर आभार यश महेशराव आकात यांनी केले. कार्यक्रम यशस्वीपणे पार पडण्यासाठी सर्व शिक्षक व शिक्षकेतर कर्मचाऱ्यांनी परिश्रम घेतले.
