प्रा. गणेश चंद्रकांत गाडेकर (सिंहगड कॉलेज पुणे) यांना संगणकीय उपायोजन (कॉम्प्युटर अप्लिकेशन) या विषयामध्ये पी. एच. डी पदवी प्रदान..
परतूर प्रतीनीधी कैलाश चव्हाण
सिंहगड कॉलेज पुणे येथे कार्यरत असलेले प्रा. गणेश चंद्रकांत गाडेकर यांना डॉ. बाबासाहेब आंबेडकर मराठवाडा विद्यापीठ, छत्रपती संभाजीनगर येथून संगणकीय उपायोजन (कॉम्प्युटर अप्लिकेशन) मध्ये "पुणे शहरातील व्यवस्थापन महाविद्यालयांच्या विशेष संदर्भात उच्च शिक्षणातील शिक्षण व्यवस्थापन प्रणालीचा अभ्यास" या विषयावर विद्यावाचस्पती (पी.एच.डी) पदवी प्रदान करण्यात आली.
सदर संशोधन अभ्यासक्रमात त्यांना डॉ. यशवंत वायकर सर सहाय्यक प्राध्यापक - एमसीए
व्यवस्थापनशास्त्र विभाग, डॉ. बाबासाहेब आंबेडकर मराठवाडा विद्यापीठ, छत्रपती संभाजीनगर यांचे मोलाचे मार्गदर्शन लाभले.
या संशोधन काळामध्ये त्यांनी एकुण ०३ भारतीय पेटंट डिझाइन नोंदणी यशस्वीपणे डॉ. वायकर सरा समवेत केली आहे. 0२ स्कोपस इंडेक्स रिसर्च पेपर तसेच ०३ रिसर्च पेपर यूजीसी केअर जर्नलच्या संशोधन पत्रात यशस्वीरित्या प्रकाशित केली आहेत.
त्यांच्या १२ वर्षाच्या एकुण शिक्षण क्षेत्रातील योगदाना मध्ये डॉ. गणेश गाडेकर यांनी NAAC समन्वयक,AICTE समन्वयक, DTE समन्वयक,AISHE समन्वयक, शिक्षण शुल्का समिती (FRA) समन्वयक,सावित्रीबाई फुले पुणे विद्यापीठ विद्यार्थी कल्याण अधिकारी , महाविद्यालयीन परीक्षा अधिकारी, संगणक उपायोजन विभागाचे विभागप्रमुख अश्या विविध प्रकारच्या जबाबदारी यशस्वीरीत्या पार पाडल्या आहेत.
या यशाबाबत डॉ.गणेश गाडेकर यांचे अभिनंदन सिंहगड इन्स्टिट्यूटचे संचालक, SNDT विद्यापीठाचे कुलसचिव डॉ. नांदवडेकर, डॉ. अभिजीत शेळके सर,सहकारी प्राध्यापक, परतुर माजी सैनिक संघटनाचे अध्यक्ष तुकाराम जी उबाळे, डॉ. सुधाकर जाधव, डॉ. शेषराव वायाळ, कुटुंबातील सदस्य तसेच मित्रमंडळी यांनी केले.
या त्यांच्या यशात प्रत्यक्ष किंवा अप्रत्यक्षपणे योगदान दिलेल्या सर्वांचे डॉ. गणेश गाडेकर यांनी मनःपूर्वक आभार मानले.
