देवगिरी ग्लोबल इंग्लिश स्कूल परतुर येथे बाल दिंडी सोहळा उत्साहात संपन्न.
परतूर प्रतीनिधी कैलाश चव्हाण
शहरातील देवगिरी ग्लोबल इंग्लिश स्कूलयेथे आषाढी एकादशीनिमित्त पूर्वसंध्येला बाल दिंडी कार्यक्रम घेण्यात आला. वरील कार्यक्रमाची सुरुवात पालखीच्या पूजनाने करण्यात आले पालखीचे पूजन संस्थेचे अध्यक्ष दिनकरराव चव्हाण संचालक संतोष चव्हाण, सुबोध चव्हाण ,सचिन चव्हाण सौ . भाग्यश्री चव्हाण, हर्षदा चव्हाण, प्राचार्य गजानन कास्तोडे यांच्या हस्ते करण्यात आले .
सदरील दिंडी मध्ये विद्यार्थ्यांनी विठ्ठल रुक्मिणी, वारकरी
अशा विविध वेषभूषा साकारल्या,शाळेपासून विठ्ठल मंदिरापर्यंत दिंडी काढण्यात आली. डोक्यावर तुळस, हातात टाळ,गळ्यात तुळशीची माळ व ग्यानबा
तुकारामच्या गजरात संपूर्ण परिसर भक्तिमय झाला होता. चिमुकल्यांनी दिंडीत अभंग, भजने, भारुडे म्हणत तर मुलींनी
फुगड्या खेळत सहभाग घेतला. सदरील दिंडी शाळेच्या प्रांगणात आल्यानंतर विद्यार्थ्यांना वारीतील रिंगण सोहळ्याचा प्रत्यक्ष अनुभव यावा याकरिता रिंगण सोहळ्याचे आयोजन करण्यात आले होते. सदरील रिंगण सोहळा विद्यार्थ्यांनी उत्साहपूर्ण व भक्तिमय वातावरणात पार पाडला
याप्रसंगी विद्यार्थ्यांसह शाळेचे प्राचार्य गजानन कास्तोड, शिनगारे मॅडम, लहाने मॅडम, नयना मॅडम, बेडेकर मॅडम, काळे मॅडम, दसमले मॅडम, पोरवाल मॅडम प्रा. प्रदीप चव्हाण, प्रदीप साळवे, बाळासाहेब कदम ,नाना डोने, महादेव नळगे,राजेश कार्लेकर यांच्यासह पालक उपस्थित होते.
Comments
Post a Comment