लालबहादूर शास्त्री महाविद्यालयातील विद्यार्थ्यांनी केला अभ्यास दौरा

परतुर- प्रतिनिधी कैलाश चव्हाण 

  लाल बहादूर शास्त्री महाविद्यालयातील बारावी विज्ञान शाखेतील 84 विद्यार्थ्यांनी जालना येथील कलश सीड्स, जालना व कृषी विज्ञान केंद्र, खरपुडी येथे दिनांक 13 जानेवारी रोजी प्रत्यक्ष पीक पाहणी केली, विद्यार्थ्यांमध्ये वैज्ञानिक दृष्टिकोन रुजावा या उद्देशाने हा अभ्यास दौरा आयोजित करण्यात आला होता.

प्रात्यक्षिकामध्ये (ओपन डे) टोमॅटो, कांदा, वांगी, मिरची, कोबी, पत्ताकोबी, गाजर, सिमला, मिरची, मुळा, यांच्या विविध गुणधर्म असलेल्या वाणाचे विद्यार्थ्यांना प्रत्यक्ष पिक निरीक्षण करता आले, तसेच या व्यतिरिक्त विदेशी भाजीपाल्यांची उभी पिके ही विद्यार्थ्यांनी प्रत्यक्ष अनुभवली.

कंपनीच्या संशोधक तज्ञाकडून विद्यार्थ्यांना नवीन पिकाचे संकरित वाण कसे तयार केले जाते याबाबत विस्तृत माहिती देण्यात आली, त्याबरोबरच सीड्स प्रक्रिया, सीड्स पॅकिंग इत्यादी विभागाला विद्यार्थ्यांनी भेट दिली.

कृषी विज्ञान केंद्र खरपुडी, या ही ठिकाणी विज्ञान शाखेतील विद्यार्थ्यांनी प्रत्यक्ष भेट देऊन तेथील फळबाग, भाजीपाला, फुलशेती, पशुव्यवस्थापन इत्यादींची माहिती घेतली.

सदरील अभ्यास दौरा महाविद्यालयाचे प्राचार्य डॉ. भारत खंदारे यांच्या मार्गदर्शनाखाली आयोजित करण्यात आला , या करिता प्रा. डॉ दत्तात्रय राऊत व प्रा. रवींद्र जोशी यांनी या अभ्यास दौराचे नियोजन केले.