बाबुराव मामा सतकर यांचे निधन
जालना ( प्रतिनिधी) नरेश अन्ना
ज्येष्ठ समाजसेवक, दलित मित्र बाबुराव मामा सतकर ( 78) यांचे शुक्रवारी ( ता. 06) पहाटे दु:खद निधन झाले. त्यांच्या पश्चात पत्नी ,दोन मुले, सुना, नातवंडे असा मोठा परिवार असून रामतीर्थ स्मशानभूमीत दुपारी त्यांच्या पार्थिवावर अंत्यसंस्कार करण्यात आले.
मागील अनेक वर्षांपासून ते गवळी समाजासह इतरही अनेक सामाजासाठी कार्यरत होते. त्यांच्या या कार्याची दखल घेऊन महाराष्ट्र राज्य शासनाने त्यांना दलीत मित्र हा मानाचा पुरस्कार देऊन सन्मानित केले होते.
सामाजिक कार्या बरोबरच अध्यात्मिक क्षेत्रातही त्यांचा मोठा हातभार होता तसेच त्यांना कुस्त्यांची आवड असल्याने जालना शहर आणि जिल्ह्यातील अनेक कुस्तीपटू मल्ल त्यांनी घडविले होते.
याप्रसंगी खा. डॉ. कल्याण काळे, आ.अर्जुनराव खोतकर ,माजी आ.कैलास गोरंट्याल, नितीन जेथलिया, इकबाल पाशा, महाराष्ट्र गवळी समाज संघटनेचे प्रदेश सचिव प्रवीण हुंडीवाले,सुनील पै. खरे, ॲड. ब्रम्हानंद चव्हाण, राजेंद्र राख,अंकुशराव राऊत, भाऊसाहेब घुगे, नारायण दादा चाळगे, गजानन गीते, सुदामराव सदाशिवे, व्यापारी महासंघाचे जिल्हाध्यक्ष विनीत साहनी, प्रा. सत्संग मुंढे, ॲड. संजय काळबांडे, नंदकिशोर जांगडे, नरेंद्र जांगडे, कॉ.सगीर अहमद, गेंदालाल झुंगे,अश्विन अंबेकर, कमलेश खरे, ह. भ. प. किसन महाराज जाधव,ह. भ. प. एकनाथ महाराज काळे, ह. भ. प. डॉ.ऋषीबाबा शिंदे यांच्यासह विविध क्षेत्रातील मान्यवरांची मोठ्या संख्येने उपस्थिती होती.
Comments
Post a Comment