स्व.दर्शन देवावाले याच्या स्मृतीप्रित्यर्थ भव्य रक्तदान शिबीर संपन्न

जालना प्रतिनिधी समाधान खरात 

     स्व. दर्शन देवावाले यांच्या स्मृतीप्रित्यर्थ के.डी. फिटनेस जिम जालना येथे दि. ९ एप्रिल रोजी भव्य रक्तदान शिबिराचे आयोजन करण्यात आले होते. यावेळी ५१ रक्तदात्यांनी रक्तदान केले. यावेळी के डी फिटनेस जिम मित्र मंडळ , स्व. दर्शन देवावाले मित्र मंडळ तसेच रामनगर आणि शहराच्या इतर भागातील दात्यांचा उत्स्फूर्त प्रतिसाद दिसून आला. तसेच स्मृती दिनाचे निमित्त जालना शहरातील पांजरापोळ गौशाळा येथे गौमाता साठी चारा दान करण्यात आले.

यावेळी स्व दर्शन देवावाले यांच्यावर प्रेम करणाऱ्या असंख्य तरुणांची उपस्थिती होती. या रक्तदान शिबिरामुळे ऐन उन्हाळ्यात गरजू रुग्णांना रक्त उपलब्ध होण्यास सहाय्य होणार आहे. यावेळी रक्त संकलनाचे कार्य जालना रक्तकेंद्र,जालना यांनी केले. या कार्यक्रमाचे आयोजन योगेश देवावाले, अर्जुन देवावाले मित्र मंडळ यांच्या वतीने करण्यात आले होते.यावेळी दुर्गेश कठोटीवाले शहर प्रमुख उद्धव बाळासाहेब ठाकरे यांनी या कार्यक्रमात परिश्रम घेतले.