मंठा येथे छत्रपती शंभूराजे जन्मोउत्सव निमित्त व्याख्यान संपन्न
मंठा प्रतिनीधी सुभाष वायाळ
दि.१७ मंठा येथे जिल्हा परिषद प्रशाला प्रांगणात छत्रपती शंभूराजे जन्मोउत्सव निमित्त संभाजी ब्रिगेड मंठा तर्फे शिवश्री प्रा.गंगाधर बनबरे यांचे व्याख्यान आयोजित करण्यात आले होते.
कार्यक्रमाचे सूत्रसंचालन प्रा.ज्ञानेश्वर वायाळ यांनी केले.यावेळी प्रमुख पाहुणे प्रा.गंगाधर बनबरे व कार्यक्रमाचे अध्यक्ष पोलीस निरीक्षक शिवश्री संजय देशमुख यांच्या हस्ते दिप प्रज्वलन करण्यात आले.व कार्यक्रमाचे प्रास्ताविक शिवश्री सोमेश घारे यांनी केले. शिवश्री सुदर्शन तारक, यांनी छत्रपती संभाजी महाराज यांच्या जीवन चरित्रावर प्रकाश टाकला. तर शिवश्री प्राध्यापक गंगाधर बनबरे यांनी प्रत्यक्षात छत्रपती संभाजी महाराज यांच्या जीवन चरित्रावर प्रकाश टाकताना श्रोत्यांच्या अंगावर शहारे येतील असे प्रसंग संभाजी महाराजांच्या जीवनातील सांगितले.व आयुष्यात एकही लढाई न हरणारे राजे तसेच आजच्या तरुण पिढीने त्यांचा आदर्श घेऊन जीवन जगावे. आजच्या घडीला काही पक्ष व संघटना देशामध्ये अस्थिरता निर्माण करत आहेत. परंतु आजची जी शांतता प्रस्थापित झालेली आहे.ती शांतता दिसण्याचे एकमेव कारण म्हणजे संभाजी ब्रिगेड ने केलेले समाज प्रबोधन यामुळे याचे सर्व श्रेय संभाजी ब्रिगेडला जाते.संभाजी ब्रिगेड महिला ता.अध्यक्ष सौ.देशमुख उपस्थित होत्या तसेच कार्यक्रमाला छत्रपती शंभूराजे प्रेमी विविध सामाजिक संघटनेचे पदाधिकारी, सर्व मराठा संघटनेचे पदाधिकारी, व बहुसंख्य नागरिक उपस्थित होते. कार्यक्रमाचे आभार प्रदर्शन डॉ.संतोष मोरे यांनी केले. कार्यक्रम यशस्वी करण्यासाठी संभाजी ब्रिगेड च्या सर्व पदाधिकारी यांनी परिश्रम घेतले.
