प्रतीक जोशी यांना संस्कृत काव्यशास्त्र विषयात पीएचडी
परभणी प्रतिनिधी कैलाश चव्हाण
येथील आचार्य वेदशास्त्र पाठशाळेचे विद्यार्थी श्री प्रतीक प्रमोदराव जोशी यांना दि.१२ऑक्टोबर रोजी कवी कुलगुरु कालिदास संस्कृत विश्वविद्यालय रामटेक,नागपूर यांच्यामार्फत पीएचडी प्रदान करण्यात आली. त्यांनी संस्कृत काव्यशास्त्र या विषयात पीएचडी करताना "जगन्नाथोत्तराणां प्रमुखकाव्यशास्त्रीय ग्रंथानां समीक्षणात्मकम् अध्ययनम्" या विषयावर आपला प्रबंध मार्गदर्शक डॉ.पराग जोशी यांच्या मार्गदर्शनाखाली सादर केला.
त्यांना त्यासाठी त्यांचे गुरुजी वेदांतकोविद प्रमोद शास्त्री कुलकर्णी यांच्या मार्गदर्शनाचाही लाभ झाला. भागवतकार असलेल्या प्रतीक जोशी यांचे सर्व स्तरातून अभिनंदन होत आहे. सर्वश्री हभप माधवराव आजेगावकर, प्रमोदशास्त्री कुलकर्णी, नरहरी गुरुजी एरंडेश्वरकर, शंकर आजेगावकर, सर्वोत्तम पाथरीकर, विश्वजीत कुलकर्णी, चंद्रकांत साळेगावकर गजानन खळीकर प्रसाद रोपळेकर विलास कौसडीकर किशोर पुराणिक उपेंद्र दुधगावकर आदींनी त्यांचे विशेष कौतुक केले आहे.
