शिवरायांचा पुतळा काढला तर कलेक्टरला शिवभक्त कदापि माफ करणार नाही - सिध्देश्वर काकडे

सेवली(सुभाष वायाळ )सेवली येथे छत्रपती शिवाजी महाराज यांचा पुतळा मोठ्या थाटात शिवभक्तांनी बसवला आहे. हा पुतळा काढण्याचा जालना जिल्हाधिकारी डॉ.विजय राठोड यांनी आदेश दिला आहे. या आदेशाला मराठा संघटनांसह शिव भक्तांनी विरोध दर्शविला आसल्याने सद्यस्थिती मध्ये हा पुतळा सेवली या ठिकाणी आहे. जालना जिल्हाधिकारी डॉ.विजय राठोड म्हणजे हिंदुच आहेत. त्यांनी छत्रपती शिवाजी महाराज यांच्या पुतळ्याचा अवहेलना करता कामा नये. नाही तर जिल्हाधिकारी डॉ.विजय राठोड यांना शिवभक्त कदापीही माफ करणार नसल्याचे शेतकरी क्रांती सेना संस्थापक अध्यक्ष सिध्देश्वर काकडे यांनी म्हंटले आहे.

छत्रपती शिवाजी महाराज यांचा पुतळा कुठंही बसला तर काय बिघडलं? सरकारने छत्रपती शिवाजी महाराज यांच्या पुतळ्याला अजिबात विरोध करता कामा नये. छत्रपती शिवाजी महाराज हे या भुमीचे राजे आहेत. याचं भान जालना जिल्हा प्रशासनाने जपलं पाहिजे. जर सेवली येथील छत्रपती शिवाजी महाराज यांचा पुतळा हटवला तर जालना जिल्हाधिकारी डॉ.विजय राठोड यांची खुर्चीच आपण रस्त्यावर आणुन टाकल्या शिवाय रहाणार नाही. आसा खणखणीत इशारा शेतकरी क्रांती सेना संस्थापक अध्यक्ष सिध्देश्वर काकडे यांनी दिला आहे.