Chakmak

परतूर प्रतिनिधी कैलश चव्हाण  दि. 4 जुलै 2025   परतूर नगर परिषद अंतर्गत येणाऱ्या वार्ड क्रमांक 4 मधील क्रांतिवीर बिरसा मुंडा नगर (पारधी वाडा) या आदिवासी वस्तीमध्ये गेल्या 35 वर्षांपासून स्वतंत्र वीजपुरवठ्याची प्रतीक्षा संपली आहे. लोकप्रिय आमदार बबनरावजी लोणीकर यांच्या विशेष प्रयत्नांमुळे या भागात स्वतंत्र रोहित्र बसवण्यात आले असून, या घटनेमुळे स्थानिक आदिवासी बांधवांमध्ये आनंदाचे आणि उत्साहाचे वातावरण पसरले आहे.   या भागातील रहिवाशी आणि सामाजिक कार्यकर्ते ॲड. सुरेश काळे यांनी वार्ड क्रमांक 4 मध्ये स्वतंत्र रोहित्र बसवण्याची मागणी आमदार लोणीकर यांच्याकडे सातत्याने लावून धरली होती. गेल्या विधानसभा निवडणुकीदरम्यान या भागात आयोजित सभेत लोणीकर यांनी येथील रहिवाशांना स्वतंत्र रोहित्र देण्याचे आश्वासन दिले होते. त्यांच्या या शब्दाला जागत, त्यांनी प्रशासकीय पातळीवर पाठपुरावा करून हे रोहित्र बसवण्यात यश मिळवले. या रोहित्रामुळे आता या वस्तीतील प्रत्येक घरात वीजेची रोशनी पोहोचणार आहे, ज्यामुळे दैनंदिन जीवन सुसह्य होणार आहे. क्रांतिवीर बिरसा मुंडा नगरातील रहिवाशा...